Peter Lynch是美國的著名基金經理，退休後他寫過三本著作，其中一本”One Up on Wall Street”更是經典，相信很多人就算沒有直接睇過，都係書局見過．．．

呢本書寫得極之好，由淺入深，完全唔識投資既人，睇完都有得著．Peter Lynch管理的麥哲倫基金，是當時美國最大的基金之一，回報高於同儕，威水史一大推不在話下．

不過，點解咁多好像Peter Lynch的叻人，像投資心得公開，但都咁多窮人既？事關每個人都有不同的條件，不能教條式地照搬其他人的經驗．

Peter Lynch是行價值投資的路線，以他敏銳的觀察力，找出一些被忽略的優質股份，然後坐住貨慢慢等佢升．

不過，咁樣做法有一個壞處，係唔知要等幾耐，市場才會重估這些優質股份．但係，點解Peter Lynch惦呢？事關佢果時管理的麥哲倫基金，所投資的股份多達數百隻，甚至近千隻，佢唔怕等：有些冷門股，佢唔怕買入黎擺，事關個組合好大，總有一些股份會郁的，拉上補下，唔郁的可以擺住先．佢買的都是遭忽略的優質冷門股，下跌空間有限，缺點是要等一段時間，才有機會升，但佢個組合咁大，總不會所有股都唔郁，因此整個投資組合黎計數，表現十分理想．

不過，以散戶來說，由於資金有限，不能買得咁分散，如果組合太分散的話，交易成本就顯得太貴，這些成本包括經紀佣金，存倉費，收取股息的手續費等等．咁即係話，散戶手上只有幾注資金，如果買入這些冷門的value stock，係咪可以容忍到個投資組合長期無動靜？